Nadiskobre dagiti otoridad ti sikreto a hallway iti cathedral ti Kingdom of Jesus Christ sadiay Davao City kabayatan ti panakaituloy ti panakabirok ni Pastor Apollo Quiboloy a sumangsango kadagiti nagduduma a kaso.
Sigun kenni Department of the Interior and Local Government (DILG) Secretary Benhur Abalos, ti sikreto a hallway ket paturong iti kwarto ni Quiboloy ken ti desinyo daytoy ket komplikado rason a narigatan dagiti pulis a biruken ni Quiboloy.
Kinuna ni Abalos nga iti agdama, am-amoenda iti Office ti Engineering ti Davao nu nakadeklara daytoy gapu ta mabalin a panaglabsing daytoy iti linteg.
Kabayatanna, maatap a nausar ti laser lights kontra kadagiti pulis.
Maipalagip a nadetect dagiti otoridad ti heartbeat iti underground babaen iti panagusar iti ground penetrating radar.
Iti agdama, maus-usar ti teknolohiya para iti panakasarak ni Quiboloy.
