--Ads--
BAGUIO CITY – Impanamnama ti Kibungan Municipal Tourism Office ti natalged a seguridad a maipaay kadagiti makipaset iti Summit Climb 2017 iti nasao a munisipio iti agdama a bulan.
Kinuna ni Charo Solimen, Municipal Tourism Officer nga agpirma iti waiver dagiti makipaset iti aktibidad ken masapul a sumurot dagitoy kadagiti pagalagadan maipapan iti umno a panangibelleng iti basura.
Dinakamatna a dumanon iti nasurok 30 dagiti sigurado a makipaset iti aktibidad ken nagtaud dagitoy iti nagduduma a lugar kas iti Metro Manila.
Maangay ti Summit Climb 2017 iti las-ud ti tallo nga aldaw ken umuli dagiti makipaset kadagiti nagduduma a bantay sadiay Kibungan.
