--Ads--
Nainget dagiti security measures nga impatungpal ti senado kasaruno ti naawat dagitoy a bomb threat iti social media.
Sigun kenni Senate President Francis Escudero, ikonsidera dagitoy a pudpudno ken seryoso a pangta iti Senate Office of the Sergeant-at-Arms.
Gapu iti dayta, nainget a nasukimat dagiti lugan dagiti senate employees ken dagiti bisita idi kalman.
Impagarupna met ni senador Juan Miguel Zubiri a posible nga adda pakainaiganna daytoy iti national budget ngem namnamaen a saan kuma.
Immunan met nga imbaga ni Senate secretary Renato Bantug Jr., a ti naawatda a bomb threat ket posible a prankster laeng.
Nupay kasta, kasapulan latta nga agannad dagitoy nangruna ket adu dagiti parikut a sangsanguenda iti agdama.
