Ad-adda a napainget ti seguridad sadiay Estados Unidos partikular iti pentagon ken iti Ground Zero a pagtuturungan ni US President Donald Treump kasaruno ti asasinasyon iti kaalyado daytoy a ni Charlie Kirk.
Iti panakiuman ti Bombo Radyo kenni Jun Delfrado Villanueva, Bombo International News Correspondent sadiay Estados Unidos, kinunana nga ad-adda a napainget ti seguridad gapu iti nasao nga insidente.
Impalagipna metlaeng ti panag-atake kenni US President Trump bayat ti US Presidential Election ken dagiti dadduma pay nga insidente.
Kabayatanna, adda metten ti baro a video a nairuar iti pannakapapatay ni Kirk no sadino nabigbig ti person of interest a nakakawes iti black a t-shirt.
Gapu iti dayta, kinuna dagiti otoridad nga agru-urnong dagitoy iti kanayonan nga ebidensya para iti poanakabigbig ti suspek.
Kagiddan dayta. kinuyog metten ni US Vice President JD Vance ti panakaiyawid ti bangkay ni Kirk sadiay Phoenix, Arizona.
