BAGUIO CITY – Nakanselar ti panakarambak ti Spring Festival wenno ti 2021 Chinese New Year ditoy siudad ti Baguio.
Sigun kenni Filipino-Chinese Community Executive Committee chair Peter Ng, daytoy ket gaputa kasapulanda nga ipangruna ti kinapateg ti salun-at ti publiko.
Kinunana a gapu iti daytoy ket awan pay ti maipatungpal a pannakarambak iti nasao a pestibidad ditoy syudad.
Dinakamatna nga ita kuma a mangrugi ti selebrasyonda ngem gapu paylang iti agdama a pandemya ket saan pay a maituloy daytoy.
Nupay kasta, inpanamnamana latta ti panagtalinaed a napintas ti relasyon ti Baguio Filipino- Chinese Community ken dagiti umili ti siudad.
Innayonna a nagdesisyon laengen Baguio Filipino-Chinese Community Organizations a mangidonar iti 250 a sako ti bagas para iti city government.
Sigun pay kenkuana, maiwaras dagitoy kadagiti barangay ken agkasapulan babaen iti tulong ti Office of the City Social Welfare and Development.
