Indagadag ni Negros Occidental, First District Rep. Julio “Jules” Ledesma IV iti local government Units (LGU) ti Negros Occidental nga ideklarada kas “persona non grata” ni Sen. Alan Peter Cayetano.
Malaksid iti dayta, inawagan ni Ledesma ni Cayetano a “disgrace” kasaruno dagiti napasamak nga insidente iti Senado.
Karaman ditoy ti pannakaikkat ni Sen. Vicente “Tito” Sotto kas Senate President ken ti saan a panagdar-ay da Cayetano kadagiti session ti Senado iti tallo nga agsasaruno nga aldaw.
Impetteng ni Ledesma a nagresulta daytoy iti pannakasingnga ti oras a rumbeng a mabusbos iti legislative work.
Kabayatanna, kinuna ni Lawyer DJ Jimenez a ti kinuna ni Ledesma ket ad-adda a “political statement” daytoy.
Maipalagip a ti “Persona non grata” ket nadepinar kas maysa a tao nga “unacceptable wenno unwelcome” iti maysa a lugar wenno lokasyon.
