Impetteng ni Senator-Judge Alan Peter Cayetano a nakasagana daytoy a sumango iti posible nga imbestigasyon ti National Bureau of Investigation (NBI) seknan iti maatap nga iregularidad iti 2019 Southest Asian (SEA) Games a naangay iti pagilian a Pilipinas.
Iti panagdengngeg idi kalman , kinunan ni Cayetano a saan daytoy a maupay kadagiti alegasyon a maibatbato kontra kenkuana. Maitudtudo gamin nga adda pakainaiganna iti nasao nga isyu.
“The chilling effect is there. Am I intimidated? Wala na akong choice. Ilalaban ko na ito. Bumaliktad man ang sitwasyon,” sigun kenni Cayetano.
“Kung may anomalya, ako ang unang magagalit.”
Maipalagip nga imimbestigaran ti NBI ti maatap nga iregularidad iti panangaramat iti pondo para iti maysa nga sports complex idiay New Clark City, Tarlac nga inaramat dagiti atleta idi 2019 SEA Games.
Sigun kenni NBI Director Melvin Matibag, nakaawatda iti impormasyon a binilbilyon ti pondo a naaramat iti nasao a proyekto ti mapapati a saan pay a naliquidate.
Sigun pay iti alegasyon, ada ti maysa a pribado a kompanya ti nakaawat iti agarup P10 bilyon nga awan ti naisayangkat a bidding ken naipatungpal daytoy babaen iti congressional insertions.
Kabayatanna, kinuwestionaran ni Senator Pia Cayetano ti maatap a panangpressure iti kabsatna.
Iti agdama, awan pay laeng ti statement ni NBI Director Matibag seknan iti statement dagiti dua nga agkabsat. //bombokaren.c.sapirao
