Sinungbatan manen ni Senate Minority Leader Alan Peter Cayetano ni Senator Panfilo Lacson kalpasan ti kinuna daytoy a posible malmes iti layus no agbisita sadiay Taguig a balwarte ti Cayetanos.
Sigun kenni Cayetano, saan a rumbeng a pagdanagan ni Lacson ti panaglayus sadiay Taguig agsipudta, dakkel ti dimmur-asan ti flood control sadiay.
Impeksa ni Cayetano a nagrugi ti dakkel a plano ti flood control sadiay Taguig idi panawen paylaeng ti Martial Law, naipatungpal ti road dike idi 2001, napalawa kabayatan ti Aquino administrasyon bayat a ti proyekto nga agdama a makaaw-awat iti kritisismo ket nairugi idi panawen ti administrasion ni sigud a President Rodrigo Duterte.
Impaganetget pay ni Cayetano a malaksid iti napigsa a tudo, limitado laeng iti sumagmamano a lugar ti flash flood sadiay Taguig no idilig kadagiti dadduma a siudad iti Metro Manila.
