Naituding nga ipila ni Senator Bam Aquino ti mosyon a mangibilin iti panangipablaak kadagiti amin nga ebidensya iti impeachment trial ni VP Sara Duterte tapno agbalin a transparent ti proseso daytoy iti publiko.
Sigun kenni Aquino, napateg a maikan ti gundaway ti publiko a masubaybayan ken mabantayanda dagiti ebidensya tapno makabukel dagitoy iti bukodda a panagadal ken saanda a mabiktima iti saan a pudno nga impormasyon.
Kagiddan dayta, ginuyugoyna ti publiko nga a bantayanda a nasayaat dagiti panagdengngeg ken kinunana nga aramatenna ti social media platform daytoy tapno makaala kadagiti damag a kayat ti publiko a maamwan.
Nagkari met daytoy nga agtalinaed daytoy a patas kas senator-judge ken agbotos daytoy sigun iti ebidensya a maipresenta iti impeachment court. //bombokaren.c.sapirao
