Sinungbatan ni Senator Christopher “Bong” Go ti akusasyon kontra kenkuana ti Office of the Prosecutor ti International Criminal Court (ICC) no sadino ninagananda daytoy kas co-perpetrator ni sigud a president Rodrigo Duterte iti kaso a sangsanguwen daytoy a crimes against humanity nga adda pakainaiganna iti war on drugs a kampanya bayat iti panagtugawna kas presidente ti pagilian a Pilipinas.
Iti impablaak nga statement ni Sen. Bong Go, dinakamatna a tatta na laeng a naamuan ti panggep ti alegasyon a maibatbato kontra kenkuana.
Nainget met a pinaglibakan ti Senador dagiti alegasyon ken dinakamatna nga awan basaran, awan ti ay-ayunan, saan a patas, ken awan pakainaigan iti nagbalin a responsibilidad daytoy kas Special Assistant ni sigud a president Duterte iti nasao nga isyu.
Pinaglibakan pay ti nasao a senador ti maysa pay nga akusasyon a nagserbi daytoy kas Chief of the Presidential Management Staff. Sigun kenkuana, saan na pulos nga inegaman ti nasao a posisyon. // Bombo Karen Calpoe Sapirao
