Imbutaktak ni Ex-assistant district engineer ti Bulacan 1st distict Engineering Office Brice Ericson Hernandez a sumagmamano a senador ti karaman iti maanomalya a flood control projetcs iti pagilian.
Sigun kenni Hernandez, karaman ni Senator Jinggoy Estrada ken Senator Joel Villanueva.
Malaksid iti dayta, innaganna a karaman ni DPWH 1st District Engineer Henry Alcantara ken Undersecretary Robert Bernardo.
Kabayatanna, kiniddaw ni Hernandez a saan a maisubli iti hearing ti Senado agsipudta, adda dagiti nairaman a Senador.
Impetteng daytoy a saanna nga ammo no anya ti mabalin a mangyare kenkuana iti kanito a maisubli iti Senado.
Maipalagip a na-cite in Contempt ni Hernandez idi September 08, kabayatan ti Senate blue ribbon committee hearing.
Daytoy ket kalpasan a maulit-ulit a pinaglibakanna ti maatap nga impormasion seknan iti Casino Ventures daytoy.
Kabayatanna, pinaglibakan ni Senator Jinggoy Estrada ti alegasion ni Hernandez nga adda ti pakainaiganna iti maanomalya a flood control projects.
Malaksid iti dayta, kinarit ni Estarada ni Hernandez nga agpaipasidong dagitoy iti lie detector test iti sanguanan ti publiko tapno maamuan no sino ti agibagbaga iti pudno.
Impetteng ni Estrada a nakasagana a mangpaneknek nga ulbod amin ti kinuna ni Hernandez kontra kenkuana.
