--Ads--
Kinumpirmar ni Senador Juan Miguel “Migz” Zubiri nga opisyalen nga inmakar ni si Senador Mark Villar iti Senate Majority bloc ita nga aldaw, Oktobre 8.
Gapu iti daytoy, nagbalinen a 14 ti pakabuklan a bilang dagiti miyembro ti Majority bloc bayat nga agtaltalinaed a 10 ti miyembro ti minority iti senado.
Kasaruno iti panagakarna iti majority, nabutosan ni Villar kas baro a mangidaulo iti Senate Committee on Public Works and Highways tapno idauloan dagiti panagtalantan kadagiti singasing seknan kadagiti proyekto nga imprastraktura iti pagilian.
Malaksid iti baro a chairmanship daytoy, napili metlaeng ti nasao a senador kas maysa kadagiti miyembro a mangibagi iti senado iti Commission on Appointments (CA).
