Kompiyansa ni Sen. Mark Villar nga awan ti umdas a basaran dagiti ebidensiya nga indatag ti Securities and Exchange Commission (SEC) seknan iti reklamo a naipila kontra kenkuana.
Sigun iti abogado ti Senador a ni Atty. Rhegine Peralta-Abrera, patienda a maibasura ti reklamo gapu iti kinakurang ti natibker a basaran.
Kabayatanna, pinaglibakan ti senador dagiti alegasion ken akusasion mainaig kadagiti reklamo a sangsanguenna iti Department of Justice (DOJ).
Impaganetgetna a ti kakaisuna a panggep ti mammanday-linteg ket tapno maitandudo ti ‘transparency’ ken ti inaramidna ket saan a nairanta tapno mangloko.
Maipalagip a ni Sen. Mark Villar, Sen. Camille Villar, sigud a senador Cynthia ken Manny Villar, ket sumangsango iti reklamo iti market manipulation, insider trading ken misleading disclosures.
