Temporaryo a nasuspendir ti plenary session ti senado idi kalman kalpasan a naaddaan iti panagsinungbat iti nagbaetan da Senator Robin Padilla ken Senator Kiko Pangilinan.
Nangrugi ti nasao a panagsinungbatda kabayatan iti panagtalantalan iti maatap a harrassment ken human right violations kabayatan iti panggep a panangiserbi dagiti NBI agents iti arrest warrant kontra kenni Sen. Dela Rosa itay kanikadua.
Nangipaay iti point of order ni Senator Pangilinan seknan iti Resolution No. 44 ken impettengna a kasapulan a matalantan daytoy iti Committee on Rules imbes nga iti plenaryo tapno mapagsasaritaan pay dagiti dadduma a pakaseknan.
Iti katengaan iti debate dagiti dua, ngimmato ti tensyon ken ngimmato ti boses ni Senator Pangilinan. Gapu iti daytoy, temporaryo a nasuspindir ti session.
Kabayatanan iti suspensyon ken panagsarita dagiti senador, naimatangan ti panggep kuma a panang-shake hands ni Senator Pangilinan iti ima ni Senator Robin Padilla ngem saan daytoy nga inawat ti maysa.
Sigun kenni Senator Robin Padilla, planona a mangipila iti reklamo kontra kenni Sen. Pangilinan iti Senate committee on ethics gapu iti panangbugkaw kenkuana ti senador.
Innayonna a saan daytoy a naruwam a maririyawan ken saan a normal para kenkuana ti innaramid ti padana a senador.
Sigun met kenni Sen. Pangilinan, awan basaran na nu kasbilang ituloy ni Sen. Padilla nga agipila ti reklamo kontra kenkuana.
Innayonna pay nga iti katengaan ti debate, saan a maliklikan a ngumato ti boses. //bombokaren.c.s
