Dinepensaan da Senator Kiko Pangilinan ken iti Liberal Party of the Philippines (LP) ni Naga City Mayor Leni Robredo kasaruno iti panangsangailina kenni Israeli Ambassador Dana Kursh.
Maipalagip a nakaawat ni Mayor Robredo iti pammabalaw manipud iti sumagmamano nga umili no sadino impeksada a ti panangpasangbay iti nasao a bisita ket mangiparangarang iti panangsuporta iti genocide gapu iti tensyon iti nagbaetan ti Palestine ken Israel.
Nupay kasta, sigun kenni Senator Pangilinan, ti panangaramid iti trabaho kas maysa a public official ket saan a mangipasimudaag iti pannaki-annamong iti atrocities.
Immanamong met ditoy ti Liberal Party of the Philippines (LP) no sadino impettengna a rumbeng a patas ti panangkita ti publiko seknan iti nasao nga issue.
Sigun iti nasao a partido, adda ti pagdumaan ti diplomatic connection ken panangsuporta iti prinsipyo ti maysa a gobyerno.
Maipalagip a sinangaili ni Robredo ni Kursh kabayatan iti courtesy visit daytoy idiay Naga City Hall idi Oktobre 5 kas paset iti panagbisitana idiay Bicol.
