Binalakadan ni sigud nga Integrated Bar of the Philippines (IBP) President Atty. Domingo Cayosa ni Senator Rodante Marcoleta a sublianna a basaen ti linaon ti ‘anti plunder law.’
Daytoy ket kasaruno ti immuna a kinuna ni Sen. Marcoleta a saan a rumbeng a makaswan ti plunder, gaputa saan a pondo ti publiko ti inawatna a campaign donations.
Impalagip ni Atty. Cayosa ti immuna a panangipudno ni Marcoleta nga immawat iti P75 million idi nagkandidato iti kina senador idi napalabas nga eleksyon.
Nupay kasta, saan a naikabil iti Statement of Assets, Liabilities, and Net Worth (SALN) daytoy ti senador isu’t gapuna a maibilbilang kas ill-gotten wealth.
Sigun kenni Atty. Cayosa, arigna nga indolin ni Sen. Marcoleta ti minil-milyon a donasyon agsipudta saan a nakalanad iti SALN ken iti Statement of Contributions and Expenditures daytoy.
