--Ads--
Impeksa ni impeachment court spokesperson Atty. Reginald Tongol a nakasagana ti Senado iti kanito a physical a dumar-ay ni Vice President Sara Duterte iti impeachment trial daytoy.
Sigun kenni Atty. Tongol, mabalin nga agtugaw ti VP Sara iti VIP gallery ti Senate Session Hall.
Innayonna nga inaldaw a namnamaen ti Senado a dumar-ay ti bise presidente agsipudta, karbengnganna kas respondent iti impeachment trial.
Kabayatanna, impeksa ni Tongol a kabaelan ti Senado ti pannakaisagana iti holding room babaen iti Senate Secretary.
Daytoy ket kas panagraem iti Office of the Vice President nga iggem ni Duterte.
