Impetteng ti Commission on Elections (COMELEC) a saan a makaapekto ti panagtultuloy ti impeachment proceedings kontra kenni Vice President Sara Duterte iti panagsaganada para iti 2028 Presidential Election.
Sigun kenni Commission on Elections (COMELEC) Chairman George Erwin Garcia, nupay aklonenna nga adda dagiti political aspect iti mannarimaan nga impeachment kontra iti bise presidente, saan a maapektaran ti poll body gapu ta nakapokus dagitoy iti panangipatungpal iti nalinis, napudno, ken naannayas a panagbutos.
Innayon pay daytoy a ti sumaruno nga eleksyon ti maudi a national election iti sidung ti panangidaulo daytoy isu’t gapunna nga araramidenda amin tapno masigurado a maaddaan iti kapapati ken naurnos nga 2028 national election. //bombokaren.c.sapirao
