Impeksa ni Senador Imee Marcos a kontra isuna ti impeachment ni Vice President Sara Duterte ken kadagiti mapapati a “destabilization” a tignay kontra iti kabsatna a ni President Ferdinand “Bongbong” Marcos Jr.
Sigun iti senador, “ballistic” ken makapungtot isuna iti impeachment kontra kenni Vice President Duterte.
Patien ni Senador Imee a saan a serioso ti House of Representatives iti impeachment gaputa naipatungpal ti tignay iti maudi a session ti Senado.
Sigun kenkuana, agpampammarang a mangriribukda laeng.
Kabayatanna,impaganetget ni Senador Imee a saan a makarisut ti impeachment iti pakaseknan iti Pilipinas, nangruna ti presio ti bagas ken taraon, unemployment, ken kasapulan dagiti mannalon, senior, ken persons with disability (PWD).
Maipalagip a naimpeach ni Vice President Sara idi Miyerkules babaen iti House of Representatives iti botos a 215.
