Naadaan ti nabara a panagsinnungbat ni Senador Jinggoy Estrada ken sigud a Philippine Drug Enforcement Agency (PDEA) intelligence officer Jonathan Morales ita nga aldaw bayat ti imbestigasion ti Senado kadagiti maipagarup a nairuar a “confidential documents” nga adda pakainaiganna ken ni President Ferdinand “Bongbong” Marcos Jr. maipapan iti iligal a droga.
Bayat ti panagdinggeg iti Senate committee on public order and dangerous drugs, dinamag ni Estrada ti kredibilidad ni Morales a nangibaga itay laeng nabiit a pinirmaanna ti “confidential documents”.
Ti senador, a nagserbi kas “panel vice-chair”, kinuna a kurang ti ebidensia tapno mapaneknekan ti akusasion ti sigud a PDEA agent.
Ni Morales ket inruarna ti CCTV footage a mangipakpakita kaduana ni Department of Justice investigation agent Romeo Enriquez.
Iti video, kinuna ni Morales a kasarsarita ni Enriquez iti sigud a National Police Commission (Napolcom) agent a ni Eric Santiago nga ikagkagumaan nga al-allukuyen a saan nga agtestigo iti sanguanan ti Senate Panel.
Sumagmamano kadagiti Senador pakairamanan ti “panel chair” a ni Senador Ronald “Bato” dela Rosa, ginuyuguyna a mangisubmitir ni Morales iti orihinal a koppia ti “CCTV footage”.
“Mr. Chair, how can we be sure if the video that is going to be presented before the committee is totally unedited, knowing this person who has a lot of criminal records,” kinuna ni Estrada.
Daytoy ti nangtignay kenni Morales, a nangitudo a saan a “convicted” wenno nasentensiaan daytoy a kas kenni Estrada.
“Your Honor, parang hindi naman po maganda ‘yung sinasabi ni Senador Jinggoy Estrada patungkol sa akin. Para namang ako talaga ang hinuhusgahan. Eh ako ay may kaso pa lang at hindi pa napapatunayan sa hukuman. Hindi kagaya ang ating butihing senador na na-convict na po,” kinuna ni Morales.
Maipalagip a sinentensiaan ti Sandiganbayan iti kaso a “bribery” nga adda pakainaiganna iti “pork barrel scam”, ngem nupay kasta, naabsuelto iti kaso a “plunder” mainaig iti nasao nga isyu.
Kas sungbat, kinuna ti mammanday linteg kenni Morales a saanna a pakibyangan ti kaso daytoy.
“Alam mo, Mr. Morales, ‘wag mong pinakikialaman ang kaso ko. Problema ko ‘yun. ‘Yung kaso mo ang ayusin mo,” sungbat ni Estrada kenni Morales.
“Kung sinasabi mo na nasaktan ka dahil ikaw, akusado ka palang, siya konbiktado na tapos pinapalabas na masama ka, well that’s your opinion. Please, because insulting ‘yan on the part of this committee,” innayon ni Dela Rosa.
Immunan nga impaganetget ti PDEA nga awan ti maipagarup a “pre-operation report” ken “authority to operate” nga imbaga ni Morales.
Ti nasao a “pre-operation report” nga addaan ti petsa a March 11, 2012 nga adda ti grupo dagiti artista ken personalidad pakairamanan dagiti pulitiko ti agar-aramat ti iligal a droga iti uneg ti maysa condominium idiay Makati City.
Karaman kadagiti mapapati nga agus-usar ket ni aktres Maricel Soriano ken ti agdama a presidente ti Pilipinas a ni Marcos.
Bayat ti agpada a panagdinggeg, inruar ni Estrada ti “surprise witness” a ni sigud a PDEA chief Dionisio Santiago a nangkwestunar ti akusasion ni Morales.
Ni Santiago ken dadaulo ti PDEA manipod 2006 agingga 2010 ken naadaanda ti gundaway a nagtrabo kenni Morales.
“Alam mo, ‘wag ka magagalit Jonathan, ang tawag ng mga kaibigan namin sayo ay ‘STL.’ ‘Wag mong kakalimutan ang STL, kilala ka nila personally. Ano ang STL, ang alam ko small town lottery, [pero] professional storytelling liar,” Santiago said.
Sigun met kenni PDEA Director General Moro Virgilio Lazo, amin nga alegasion ni Morales ket “fabricated” ken awan ti nakabasaranna.
