Nasuspinder iti innem a bulan ni Senate acting sergeant-at-arms Mao Aplasca gapu iti insidente ti pammaltog iti Senado idi May 13, 2026.
Sigun kenni Ombudsman Jesus Crispin Remulla, naipaulog ti suspension tapno maliklikan ti conflict of interest kabayatan ti imbestigasyon.
Maipalagip nga inaklon ni Aplasca a daytoy ti immuna a nagpaputok kontra kadagiti agents ti National Bureau of Investigation (NBI).
Impetteng ni Remulla a saanda mabalin a mangikabil iti maysa a tao a mabalin a mangimpluwensiya iti banag a kayatda a maduktalan.
Sigun kenni Remulla, “unacceptable” ti napasamak a putukan iti opisina ti gobierno nangruna ta immuna a nagpaputuk ni Aplasca.
Inyunay-unay ti nasao nga opisial a nairanta ti sergeant-at-arms a mangipatungpal iti Senate rules ken ti inaramid ni Aplasca ket saan koma a palabsen.
Mainaig iti dayta, makisarita ti Office of the Ombudsman kadagiti senador maipapan iti nasao nga insidente.
Kabayatanna, inlawlawag ni Assistant Ombudsman Mico Clavano a saan a dusa ti ‘preventive suspension’ a naipaay kenni Acting Senate Sergeant-at-Arms Aplasca.
Sigun kenni AO Clavano, panggep ti nasao a pammilin a mapreserba ti integridad dagiti ebidensia kas iti CCTV footage iti Senado idi napasamak ti gunfire incident.
