Inwaragawag ni Senate President Alan Peter Cayetano nga ikonkonsiderada da Senator Rodante Marcoleta ken Senator Pia Cayetano a mangidaulo iti Senate Blue Ribbon Committee.
Nabakantean ti nasao a posisyon kalpasan iti panagsukat ti liderato ti senado idi napalabas a lawas.
Naudi nga indauloan ni Senator Ping Lacson ti nasao a komite.
Sigun kenni Senate President Cayetano, kitkitaenda amin a senador a mabalin a mangidualo iti daytoy ngem panggepda nga ited daytoy iti maysa kada Senator Marcoleta ken Senator Pia Cayetano.
“So we’re considering everyone. We’re considering Senator Marcoleta, but we’re also considering someone else. Oh, sabihin ko na, we’re considering Senator Pia, ‘di ba?”, sigun kenni Senate President Cayetano.
Innayon daytoy a saan laeng a ti flood control corruption ti igaman a kaso ti Blue Ribbon Committee nu di ket pakairamanan ti dinakamatna nga inaramid ti National Bureau of Investigation (NBI) kabayatan iti napasamak a shootout idiay uneg ti senado idi napalabas a lawas.
Maysa ti Blue Ribbon kadagiti mabigbigbig kas nabileg a komite a responsable iti panangidaulo ti imbestigasyon seknan kadagiti maatap nga anomalya ken irregularities kadagiti amin nga opisyal ti gobyerno. //bombokaren.c.s
