Kinumpirmar ni Senate President Sherwin Gatchalian a daytoy ti agserbi a presiding officer iti impeachment trial ni Vice President Sara Duterte a mangrugi inton Lunes, Hulio 6.
Sigun kenni Gatchalian, maitunos daytoy iti Senate Rules, bayat nga agtultuloy nga ad-adalenna dagiti technicalities nga aspeto ken merit iti kaso kas panagsagana iti panagtingiting.
Kinunana metlaeng a manamnama nga agbayag iti pito agingga walo a bulan ti impeachment trial nu maisayangkat dagiti panagdengngeg iti tallo a daras iti tunggal lawas.
Innayonna pay a saanda paylaeng a talantanen iti umuna nga aldaw iti panagtingiting ti singasing nga ibaba ti kasapulan a botos para iti conviction, ken namnamaenna a makipaset dagiti senador a mabalin a pisikal a makipaset iti panagdengngeg.
