Impetteng ni Senate President Vicente “Tito” Sotto III a saan a kumbinsido iti desisyon ti Korte Suprema nga imbasura ti Motion for Reconsideration ti Kamara.
Mainaig daytoy iti impeachment complaint kontra kenni Vice President Sara Duterte.
Sigun kenni Senate President Sotto, ti inaramid ti Korte Suprema ket nalawag a panaglabsing iti eksklusibo a bileg ti Kongreso a nakalanad iti Kontitusyon.
Impetteng pay daytoy a saan laeng a ti linteg ti naapektaran iti panggeddeng ti Korte Suprema , no diket apektado metlaeng ti mismo a Konstitusyon.
Innayon pay ni Senate President Sotto a nalawag ti direksyon ti desisyon ti Korte.
Daytoy ket ti saanen a maaddaan ti proseso ti impeachment iti pagilian.
Kabayatanna, linawlawagan ni Sotto a saan a para iti asinoman nga indibidual ti kinuna daytoy.
