--Ads--
Impetteng ni Senate President Vicente “Tito” Sotto III a saan a mabalin a maipatungpal ti panang-arestar kadagiti siasinoman a senador iti uneg ti Senado.
Daytoy kagiddan ti agwarwaras a damag seknan iti mapapati nga arrest warrant manipud iti International Criminal Court (ICC) kontra kenni Senador Ronald “Bato” Dela Rosa.
Sigun kenkuana, ti Senado ket addaan iti bukod a proseso rason a nasken a respetuen ti dignidad ti institution.
Maipalagip nga immunan nga impakaammo ni Ombudsman Crispin “Boying” Remulla nga adda ti arrest warant manipud iti International Criminal Court kontra kenni Dela Rosa ngem saan pay a nakumpirmar daytoy.
