Impeksa ni Senator Ronald “Bato” Dela Rosa a saanna a binilbilin ni Police Colonel Jovie Espenido a mangpapatay iti siasinuman.
Sigun kenni Dela Rosa, ti ammona nga imbilinna kenni Espenido para iti panakadeployna sadiay Albuera ket ti panangsolbarna iti problema iti droga kasta met ti panangkemmegna ti Espinosa drug syndicate iti nasao a lugar.
Inyunay-unayna nga awan ti pammillinna kenni Espenido a mangpatay iti anyaman nga indibidual kasta met nga inlawlawagna nga iti kinunana a banggaenna dagiti drug syndicate ket saanna a sawen nga agpatay daytoy nu diket arrestarenna dagitoy.
Kabayatanna, pinaglibakan ni Dela Rosa a daytoy ket protector dagiti sumagmamano a personalidad nga adda kainaiginna iti droga.
Saan met a pudno a ti Philippine National Police ket isu ti kadakellan a crime syndicate iti pagilian nangruna ket awan basaranna ti nasao nga statement ni Espenido.
