Nainget a pinaglibakan ni Senator Francis “Kiko” Pangilinan dagiti sayangguseng a mangikonkonek kenkuana iti pannakasukat ti liderato ti senado.
Inlawlawagna nga awan ti interes daytoy iti panagbalin a Senate President.
Iti impablaak ti nasao a senador, impakaammo daytoy a kayatna laengen a tutukan dagiti maipanggep iti food security imbes a makipaset iti panag-iinnagaw ti liderato ti senado.
“Hindi po tayo interesado sa pagiging Senate president. Tutulong na lang ako sa kanila. Para sa akin, mas importante ang food security kaysa sa Senate presidency,” sigun kenni Pangilinan.
Inbutaktakna daytoy kalpasan dagiti damag nga adda ti sumagmamano a senador nga agpangpanggep a mangsukat kenni Senate President Alan Peter Cayetano kalpasan laeng iti manu nga aldaw kalpasan a nagtugaw daytoy kas senate president kasukat ni Senator Vicente Sotto III.
Maipalagip a naikat ni Sen. Pangilinan kas chairperson ti Senate COmmittee on Agriculture, Food and Agrarian Reform kalpasan iti panagbaliw ti liderasto iti senado. //bombokaren.c.s
