Nakasagana ni Senate Deputy Minority Leader Risa Hontiveros a tumutol iti kanito nga adda ti agtignay wenno mangipila iti mosyon a mangkwestyunar iti jurisdiction iti 20th Congress seknan iti impeachment case ni Vice President Sara Duterte.
Sigun kenni Senator Hontiveros, awanen iti rumbeng a pagtalantanan seknan iti daytoy gaputa nalpasen a natalantan ti maipapan iti jurisdiction kabayatan iti 19th Congress.
Ti komento ti senadora ket kalpasan ti naipadamag a pangpanggepen ni Senator Ronald “Bato” dela Rosa a mangipila iti mosyon tapno kwestyunaran ti jurisdiction iti 20th Congress iti kaso ti bise presidente.
Mainaig iti dayta, saan metlaeng a pabor ni Senator Hontiveros iti panggep ni Senator Bato a saludsuden nu kayat pay ti agdama a kongreso nga ituloy ti impeachment trial.
Mangnamnama ni Senator Hontiveros a maaddaan iti nainget a debate iti kanito a marugyan ti panakatingiting ti kaso ti bise presidente.
