Nagkiddaw ti dispensar ni Senator Juan Miguel “Migz” Zubiri iti pamilya daydi pimmusay a television host ken journalist Lourdes Carjaval wenno amammo iti nagan nga “Inday Badiday” gapu iti panangdakamatna iti nagan daytoy bayat iti panang-objectna iti bidyu nga inpresenta ni Senator Imee Marcos seknan iti Charter Change tapno mailaylayon pay ti termino ti mannarimaan nga administrasyon.
Inpablaak ni Senator Zubiri ti panagkiddawna iti pasensiya iti pamilya Carjaval babaen iti social media account daytoy.
Sigun iti senador, gapu iti nangato a tensyon kabayatan iti debate idiay senado, nadakamatna ti nasao a personalidad.
Innayon daytoy nga awatenna ti responsibilidad ti inaramidna ken agalnad daytoyen kadagiti dakdakamatenna.
“Sa buong pamilya of the late Inday Badiday, I am sincerely sorry for mentioning her name during my manifestation sa Senado. Slip of the tongue po iyon in the middle of a heated debate, and I take full responsibility because I should have been more careful with my words,” sigun kenni Sen. Zubiri. //bombokaren.c.sapirao
