Nagbalin nga emosyonal ni Senator-Judge Camille Villar kagidan iti panangkiddawna iti kadua a senator-judges nga isardengdan ti panang-atake kadagiti senador a saan a makapaset iti impeachment trial ni Vice President Sara Duterte.
Iti manifestation daytoy sakbay iti impeachment court, dinakamat ni Villar a nupay saan a bukod a desisyon dagiti kakaduada a nakabalud a senador a saan a makapaset iti mannarimaan a proceedings.
Impetteng pay ti senadora a saan a rumbeng nga ikan ti nadadagsen a birngas dagiti kakaduana nga awan iti trial nangnangruna ta awan pay laeng ti pinal a pangngedeng kadagiti sangsangwenna a kaso.
Inyunay-unayna metlaenga saan a rumbeng nga awagan a plunderer wenno agtatakaw dagiti senador gapu ta saan paylaeng a napaneknekan a nagbasol dagitoy.
Kagidan dayta, kinidawna metlaeng kadagiti kakaduana a senator-judges nga obserbaranda ti panagraem iti tunggal maysa ken liklikan ti personal a panangatake iti tunggal maysa bayat nga agtultuloy ti impeachment proceedings.
Sigun kenni Sen. Villar, kas nabutosan a senador ti pagilian a Pilipinas, napateg a maipakitada ti respeto saan laeng nga iti tunggal maysa nu di ket kadagiti Pilipino a pagserserbianda.
