Kiniddaw ni Senator Loren Legarda ti pannakailaylayun ti medical leave-na iti ballasiw-taaw.
Daytoy ket iti baet ti imbestigasion ti ombudsman iti maipagarup nga anomalous solar projects a naikairamananda iti anakna a ni Batangas 1st Rep. Leandro Leviste.
Sigun kenni Senate Secretary Renato Bantug Jr., nangipatulod ni Legarda iti surat idi Agosto 17 nga agkikiddaw iti pannakailaylayun manen ti medical leave-na manipud idi Agosto 17 agingga intun Agosto 19, 2026.
Naka-leave ni Legarda sipud idi inawaragawag ni Ombudsman Jesus Crispin Remulla a manarimaan ti preliminary investigationda kontra iti Senador, ti anakna a ni Leviste ken ti sigud nga energy secretary a ni Alfonso Cusi gapu iti plunder ken graft case.
Maipagip nga inaskusaran ni Remulla ni Legarda nga inaramatna ti posisyon daytoy tapno maipaay ti prangkisa ti solar power iti anakna a ni Leviste.
Nupay kasta, nagresulta daytoy iti maatap a multibillion-peso “ghost electricity” losses.
