Impaganetget ni Senator Rodante Marcoleta a kasla araramaten ni Senator Panfilo “Ping” Lacson ti privilege speech tapno mangpabasol nga awan ebidensyana seknan iti imbestigasyon iti naanomalyaan a flood control projects iti pagilian.
Iti maysa nga statement, binabalaw ni Sen. Marcoleta ti imparang ni Sen. Lacson nga slide no sadino nakaparang dagiti allocable para kenkuana, a sigun kenkuana naaramat tapno rumuar a nagkiddaw daytoy iti P500 milyon a gatad ti proyekto.
Sigun kenni Marcoleta, kadawyan laeng kadagiti mammanday-linteg ti panangiyendorso ti proyekto para kadagiti constituents daytoy ken saan daytoy nga agnumar iti mailatang a pondo.
Kinarit daytoy ni Sen. Lacson nga ipaayabna da Bersamin, Lean Leviste, ken Jojo Cadiz seknan iti maatap nga accounting ti flood control funds no sadino nakalanad dagiti detalye no sadino ti nakaipaayan dagiti binilbilyon a kickbacks.
Daytoy ket tapno mailawlawag ti nasao a kontrobersiya ken maipaay ti hustisya pata kadagiti umili.
Kagiddan dayta, kinuwestionaran ni Sen. Marcoleta ti saan paylaeng a panangleppas ti Blue Ribbon Committee iti report kalpasan iti manu a bulang a panangdengngeg no sadino inawaganna pay a ‘partial’ ken ‘incomplete’ ti mannarimaan a report ti komite. //bombokaren.c.s
