Dinutokan ti senado ni Senator Mark Villar kas baro a dadaulo ti Senate Committee on Finance.
Sinukatan daytoy ni Senator Sherwin Gatchalian.
Ti panagsukat ti liderato ti chairmanship iti nasao a komite ket babaen iti mosyon ni acting senate majority leader Senator Joel Villanueva.
Gapu ta awan kadagiti senador ti nag-object, naaprobaran ti mosyon ni Senator Villanueva a madutokan ni Senator Villar iti nasao a posisyon.
Inawat met ni Senator Gatchalian ti panagtugaw ni Villar iti komite a sigud nga idadauloan daytoy.
Sigun kenkuana, patienna nga agbalin a nannayas ti taray ti nasao a komite kenni Senator Villar gapu ta maawatan ti baro a lider ti maipanggep ti finance kalpasan iti panagtugawna kas dadaulo ti nagduduma a departamento kas idiay DPWH ken dadduma pay.
“Si Mark, marami na rin siyang dinaanan ng mga iba’t ibang posisyon. Galing siya sa isang business family, so naiintindihan niya ang finance,” sigun kenni Senator Gatchalian.
“Humawak siya ng malaking departmento like DPWH, so naintindihan niya yung takbo ng public finance. So ako naman, nakikita ko na magiging maayos naman yung takbo ng finance committee,” innayon pay daytoy. //bombokaren.c.s
