Nagyaman ni Senator Pia Cayetano kadagiti kaduana a senador kalpasan iti emosyonal nga statement na iti plenary session idiay senado idi Mayo 20.
Iti social media live ti senadora ita a rabii, inyebkas ni Senator Pia ti panangapresyarna kadagiti inmasideg kenkuana ken nangiparikna iti panangisakit kenkuana kalpasan iti mensahe daytoy.
Sigun pay kenkuana, normal laeng ti nabara ken emosyonal a diskusyon iti uneg ti senado gapu ta agaammo ken aggagayemda amin.
Intuloyna nga inyebkas ti panagyamanna nangnangruna kadagiti inmasideg kenkuana tapno makipagrikna.
Nupay kasta, kinunana nga adda latta dagiti dadduma a senador a saan nga inmasideg wenno nangkumusta kenkuana ngem sigun iti senadora, awan anyaman kenkuada.
Maipalagip a nagbalin nga emosyonal ti senadora iti plenary session idiay senado kalpasan iti privilege speech ni Senator Risa Hontiveros no sadino emosyonal nga inyebkasna dagiti kapadasanda bayat iti pinnaltog a napasamak iti uneg ti senate building idi Mayo 13. //bombokaren.c.sapirao
