Patien ni Senator Raffy Tulfo a posible nga umalis ti dua a senador manipud majority tapno makinayon iti minority gapu ta saanda a magustuan ti mapaspasamak idiay Senado ita.
Sigun iti senador, adda ti dua a kameng ti majority bloc a saan a komportable iti mapaspasamak maibasar kadagiti garawda.
Nupay kasta, saannan nga innaganan dagitoy.
Kabayatanna, adda laengen ti 22 nga aktibo a senador iti agdama no sadino agpadan nga sag-onse ti bilang dagiti senador nga adda iti minority ken majority bloc.
Daytoy ket kalpasan ti pannakaarestar ni Senator Jinggoy Estrada idi kalman.
Saan metlaeng a karaman kadagiti aktibo ni Senador Ronald dela Rosa, kalpasan nga inruar ti International Criminal Court (ICC) ti arrest warrant kontra kanyana.
Gapu iti daytoy, kinuna ni Tulfo a mabalin nga agbaliw ti balanse iti bileg iti Senado no umakar iti kampo ti dadduma a senador. //BOMBO K
