Impetteng ni Senator Robin Padilla a saan a mapnek iti aksyon ti administrasyon ni President Ferdinand Marcos Jr., seknan iti naanomalayaan a flood control projects iti pagilian.
Sigun kenkuana, saan a mapnek agsipudta sumagmamano laeng dagiti napagsungbat.
Innayonna a 2 laeng a grado ti ipaayna iti administrasyon gaputa adu paylaeng ti malaylayus a paset ti pagilian.
Impetteng ti senador a rumbeng nga awan ti pilpilien ken maris pulitika ti maisaysayangkat nga imbestigasyon iti naanomalyaan a flood control projects.
Mainaig iti dayta, impeksa ti senador a napulitikaan ti rason iti pannakaarestar dagiti kakaduana a senador a da Jinggoy Estrada ken Rodante Marcoleta.
Malaksid iti flood control scandal, namnamaen ni Padilla a matalantalan iti State of the Nation Address (SONA) ni President Marcos Jr. ti epekto ti El Niño iti pagilian, kaunaan nga eleksyon iti Bangsamoro Autonomous Region in Muslim Mindanao (BARMM) ken ti isyu seknan iti relasyon ti Pilipinas ken China.
