Impetteng ti legal counsel Atty . Jimmy Bondoc a saan nga armado ken dilikado ni Senator Ronald Dela Rosa.
Sigun kenni Atty. Bondoc, dagiti kameng ti NBI ti armado ken dilikado agsipudta agar-aramat dagitoy iti armas tapno ipatungpal ti warrant a saan a naipakita kadakuada ken saan nga inproseso ti domestic competent judicial authority.
Maipalagip nga immuna nga in-tag ti National Bureau of Investigation (NBI) ni dela Rosa kas “armed and dangerous” bayat nga agtultuloy ti panagregget dagiti otoridad iti pannakaiserbi ti arrest warrant manipud iti International Criminal Court (ICC).
Inlawlawag ni NBI Director Melvin Matibag a para kadakuada, amin a maiserbian ti warrant of arrest ket ibilbilangda nga “armed and dangerous”.
Inyunay-unay ti opisial a kasapulan a kanayunda a nakasagana gapu iti posibilidad nga aramado ti subject dagitoy.
