Im-imbestigaran ti National Bureau of Investigation (NBI) ken ti Office of the Ombudsman ti posible nga obstruction of justice complaint gapu iti panaglibas ni Sen. Ronald “Bato” dela Rosa manipud iti Senado idi May 14, 2026.
Sigun kinni NBI Director Melvin Matibag, insubmitir dagiti agents ti NBI a nairaman iti nasao nga insidente ti affidavit dagitoy iti ombudsman kas paset ti imbestigasyon.
Kinunana a nasapsapa a naisubmitir dagiti affidavit bayat ti imbestigasyon ti DOJ.
Mabalin a maaramat daytoy kas testimonial evidence iti kanito a maipila ti kaso.
Nagtaud ti imbestigasyon iti May 13 shooting incident iti Senado, no sadino 12 agingga iti 15 a putok ti paltog ti nangngegan iti nagbaetan ti Senate security personnel ken dagiti agent ti NBI.
