--Ads--
Pinaglibakan ni Cagayan De Oro 1st District Rep. Lordan Suan ti alegasion iti social media a panggepna a mangipila iti shoot-to-kill” resolution para kenni Sen. Ronald “Bato” Dela Rosa nga aglemlemmeng kasaruno ti arrest warrant manipud iti International Criminal Court (ICC).
Sigun kenni Suan, awan ti impaulog daytoy a warning seknan iti maatap a pannakaipila ti ‘shoot-to-kill’ resolution iti kanito a saan a sumuko ni dela Rosa.
Impeksa ti prosecutor ti impeachment trial ni Vice President Sara Duterte a mamati daytoy iti due process ken rule of law.
Kabayatanna, idagdagadag ni Suan iti publiko nga imberipikar dagiti impormasyon iti official sources, social media accounts daytoy ken iti House of Representatives.//
