Kinompirmar ti National Bureau of Investigation a dagus a maipaima iti Department of Justice ni Senator Ronald dela Rosa iti kanito a maarestar daytoy.
Sigun kenni NBI Director Atty. Melvin Matibag, daytoy ti sumaruno nga addang nga aramidenda para pannakaiserbi ti arrest warrant nga impaulog ti International Criminal Court (ICC).
Kalpasan dayta, bay-anda ti Department of Justice (DOJ) nga ipatungpal ti sumaruno a proseso iti kaso ni Sen. dela Rosa.
Kabayatanna, nagkedked ti Department of Justice a mangkompirmar no ti sumaruno nga addang ket maiturdong ti senador sadiay The Hague, Netherlands.
Sigun kenni Justice Secretary Fredderick Vida, ‘operational matter’ ti nasao a banag isu’t gapunna a saan a mabalin a mapagsasaritaan wenno maipakaammo iti publiko.
