Nangisayangkat ti Department of Justice (DOJ) idi kalman, iti inisial nga imbestigasion iti kaso nga obstruction of justice kontra kenni Senador Robin Padilla seknan iti panaglibas ni Senador Ronald “Bato” dela Rosa manipod iti Senado.
Sigun kenni DOJ spokesperson Polo Martinez, naikeddeng iti Nobiembre 6 ti sumaruno a panagdenggeg.
Nangipila iti reklamo ti Philippine National Police-Criminal Investigation and Detection Group (PNP-CIDG) kontra kenni Padilla ken dadduma pay idi Mayo 28.
Ni Dela Rosa ket sumangsango iti arrest warrant manipod iti International Criminal Court (ICC) seknan iti mapapati a crimes against humanity iti kampani kontra iti iligal a droga iti administrasion ni Duterte. Nagturong daytoy iti Senado idi Mayo 11 ken nakaruar idi Mayo 14.
Pinaglibakan ni Padilla a tinulonganna nga aglibas ni Dela Rosa, ken impaganetgetna a nakigiddan laeng kenkuana ti senador iti lugan paruar iti Senado.
