Nanaganan ni Senator Ronald “Bato” Dela Rosa ken dagiti uppat a sigud a top Philippine National Police (PNP) officials kas “possible suspects” iti maatap a nadara a kampanya ni sigud a President Rodrigo Duterte iti drug war iti pagilian a Pilipinas.
Daytoy ket kalpasan a binigbig ni human rights lawyer Kristina Conti da Dela Rosa ken dagiti daduma nga opisyal ti Philippine National Police iti naipatungpal a hearing iti House of Representatives Quad Comm idi kalman.
Sigun kenni Conti dagiti lima a suspek ket da Dela Rosa, sigud a Philippine National Police chief Oscar Albayalde, sigud a PNP Intelligence Officer Eleazar Mata, sigud a Criminal Investigation and Detection Group chief Romeo Caramat Jr., ken sigud a National Police Commission commissioner Edilberto Leonardo.
Kadagiti nasao a nagan, dua kadagitoy ket naberipikaren.
Nu pay kasta, awan pay ti komento dagiti nasao nga indibidual iti waragawag ti Office of the Prosecutor ti International Criminal Court.
Iti agdama, ad-adalen ti International Criminal Court ti nasao a banag.
