Mangipila ni sigud a Senator Antonio Trillanes IV iti ethics complaint kontra kenni Senator Ronald “Bato” Dela Rosa.
Daytoy ket gapu iti manu a bulan a panag-absentna iti Senado.
Sigun kenni Trillanes, ipilada ti ethics case gapu iti tuloy-tuloy a panangipaay ti gobierno iti pondo iti opisina ti Senador ngem saan a sumsumrek nga awan ti nalawag a rason.
Maipalagip a saan a dimmardar-ay ni Dela Rosa iti aniaman a plenary session iti Senado, sipud pay idi Nobiembre 2025 kalpasan nga imbutaktak ni Ombudsman Jesus Crispin Remulla a nangipaulog ti ICC iti warrant of arrest kontra kenkuana.
Kabayatanna, inlawlawag ti legal counsel ni Senator Dela Rosa a saan paylaeng nga agparparang iti publiko ti senador, gaputa saan pay a sigurado no pudno ti maatap a warrant of arrest manipud iti International Criminal Court (ICC).
Sigun kenni ni Atty. Israelito Torreon, doble ti panaggannad ni Dela Rosa tapno saan a maipada kenni sigud a President Rodrigo Duterte.
