Agtalinaed latta a ni Senator Vicente “Tito” Sotto III Senate kas Senate President.
Sigun kenni Senator Tito Sotto, adda iti panggep a masukatan daytoy ngem dagos a hinarang ti majority bloc iti senate hearing a napasamak idi kalman.
Nagleppas gamin ti nasao a panagdengngeg a ni Sen. Loren Legarda ti nagtugaw kas Senate President.
Inlawlawag ni Sen. Legarda a nagserbi laeng daytoy kas presiding officer iti nasao a hearing.
Innayon ni Sen. Sotto a saan metlaeng nga inakseptar ni Senator Loren Legarda idi indiayada kenkuana ni posisyon.
Nupay kasta, kinunana nga adda ti plano ti majority bloc nga iduron ni Sen. Loren Legarda kas Senate President sakbay nga agleppas ti 20th Congress.
Saan metten nga imbinglay ni Senator Tito Sotto no apay a saan a nagballigi ti immunan a dinakamatna a panangpanggep iti pannakasaukatna kas Senate President ngem dinakamatna a nakasagana daytoy nga aramiden ti trabahona iti uray anyaman a posisyon iti Senado. // Bombo Karen Calpoe Sapirao
