Inwaragawag ni Senator Juan Miguel Zubiri idi kalman ti pannakipasetna iti minority bloc kagiddan iti agtultuloy a reorganization idiay senado.
Sigun kenni Senator Zubiri, nagdesisyon daytoy nga ag-abstain iti umuna a binnutos tapno maaddaan daytoy iti nawaya a panagdesisyon nangnangruna kadagiti napapateg a banbanag para kadagiti umili ngem nu maipanggep ti organisasyon, pinili daytoy a makinayon iti minority bloc.
“Nag-abstain lang ako para I have a free hand to vote on which issue that I think is important for the Filipino people. But when it comes to the organization, I would like to associate myself with the minority,” sigun kenni Senator Zubiri.
Kabayatanna, kinunan met ni Senator JV Ejercito nga agtalinaed daytoy nga independent idiay senado iti baet ti panagyamanna iti talek nga inpakita ti liderato ti senado. Sigun kenkuana, daytoy ket tapno maaramidna amin a trabahona a nasayaat.
“As of this time I would rather maintain my independence and with what is happening all over, I think I will be able to perform my tasks very well and my pet programs very well as an independent,” pahayag ni Ejercito.
Nupay kasta, apaman a dinamag daytoy ni Senate President Alan Peter Cayetano nu agtalinaed daytoy nga independent wenno iti minority, pinili daytoy a makinayon iti minority bloc nga idadauloan ni sigud a Senate President Vicente Sotto III.
Iti agdama, adda ti 11 a miyembro ti minority bloc ken 13 met iti majority bloc nga idadauloan met ni Senator Joel Villanueva.
Sigun met iti presiding officer, raemen ti senado ti desisyon ti tunggal senador nu makinayon dagitoy iti majority, minority, wenno pilienda nga agbalin nga independent.
Iti panagtultuloy ti sesyon sadiay senado, napagsaritaan ti proportional representation iti committee membership, pakairamanan ti komposisyon ti Senate Committee on Rules ken ex-officio members dagitoy.
Kalpasanna, inrefer ti senado dagiti Articles of Impeachment iti Committee on Rules sakbay a maipila ti mosyon a maipan daytoy iti Impeachment Court.
Nasuspindir metlaengen ti sesyon ti senado tapno makapag-convene dagitoy kas impeachment court. //bombokaren.c.s
