Inlawlawag ni Senatorial aspirant Atty. Vic Rodriguez nu apay a pimmanaw iti administrasyon ni President Ferdinand “Bongbong” Marcos Jr.
Iti naangay a “Tanong ng Bayan: The GMA Senatorial Face Off 2025, kinuna ni Rodriguez a nafall-out kenni President Marcos gapu iti maatap a korupsyon.
“Hindi ko masikmura ang korupsyon kung kaya’t ako ay umalis ng Malakanyang. Ako ay binigyan pa ng isang posisyon, ang Presidential Chief of Staff, subalit hindi ko na gusto yung direksyon na kanilang tinatahak. Kaya sabi ko, ayoko na at ako’y babalik na lang sa pribado,” kinuna ni Rodriguez.
Sigun pay kenni Rodriguez, idi isuna ti Executive Secretary ket kiniddaw ti Partido Federal kenkuana nga aramidenna isuda kas chairman ti Comelec, PAGCOR, PCSO, ken chairman ti Civil Service Commission ngem saanna a pinatgan rason a nakaungetda kenkuana.
Maipalagip nga idi Setyembre 17, 2022 ket nagresign ni Atty. Vic Rodriguez kas Executive Secretary gapu ta kayatna a maaddaan iti naan-anay nga oras iti pamilyana.
Nagserbi metlaeng ni Rodriguez kas Presidential Chief of Staff ni President Marcos Jr. ngem saan a nagbayag ket immikkat metlaeng iti nasao a posisyon.
Kasaruno iti daytoy, inikkat ti Partido Federal ni Rodriguez kas miembro gapu ta sigun met iti partido ket incompetent ni Rodriguez kas public servant, abuse and breach of trust, disloyalty ken dadduma pay.
Iti agdama ket kaalyado metten ni Atty. Rodriguez ni sigud a President Rodrigo Duterte Administration.
Idi Pebrero 2024 ket nakipaset daytoy iti prayer rally idiay Cebu nga indauloan ti Duterte a mangkonkontra iti maisingsingasing a mabaliwan ti 1987 Constitution.
