Agpattpataming ita iti ospital ti babae a Senior Citizen, agtawen iti 86 ken ti apona nga agtawen iti 13 kalpasan a nadangran dagitoy iti pannakabaliktad ti naglugananda a red pick up idiay Munoz Drive Pacday Quinio Elem School, Asin Road, Baguio City ita nga aldaw.
Dagiti biktima ket pakairamanan ti dua a lalaki nga agtawen iti 56 ken 58, agpada a residente iti San Carlos Heights, Baguio City.
Iti pannakiuman iti Bombo Radyo kenni Pat. Clifford Lonogan, Investigator iti Baguio City Police Office station 9, kinunana a naawanan iti preno ti nagluganan dagiti biktima.
Innayon pay ni Pat. Lonogan a natagtaud dagiti biktima idiay Purok 18 ken agpababada idiay Asin idi napasamak ti insidente.
Iti agdama, addan iti nasayaat a kasasaad ti senior citizen ken ti apona bayat a saan a nagsagrap iti nakaro a pannakadangran ti driver ken ti lalaki a pahenante.//Via Bombo Genzel Depayso
