BAGUIO CITY- Naireklamo ti maysa a senior citizen gapu iti maatap a panangramesna iti maysa a balasang ditoy siudad ti Baguio.
Maibasar iti blotter, ti suspek ket 60-anyos, tubo ti Pangasinan bayat a ti biktima ket adda iti legal na edad ken agpada dagitoy nga agnanaed iti maysa a boarding house ditoy siudad.
Nailanad iti report a manarimaan ti panagsagaysay ti balasang iti uneg ti silidna idi killaat a simrek ti suspek.
Inarakop ti suspek ti biktima ngem idi limmaban ti balasang ket induron daytoy ti suspek iti kama sakbay nga impatungpalna ti nasao a krimen.
Kinuna ti biktima a gapu iti kapigsa ti suspek ket saan daytoy a nakapukkaw tapnu agpa-arayat isut gapuna a kalpasan ti krimen ket dagus a nagturong daytoy iti kwerpo ti pulisya tapnu agreklamo.
Nakasagana metten ti kaso a sangwen ti suspek a senior citizen.
