Nasurok makabulan pay a mabalin nga pagsaganaan ti Pilipinas ti posible a severe fuel shortage nu saan a sumardeng ti tension idiay Middle East.
Sigun kenni Department of Energy(DOE) Secretary Sharon Garin,worst-case scenario a mabalin a mapasaran ti Pilipinas nu maatsanan dagiti pakaiponpondoan dagiti maang-angkat a lana.
Nupay kasta, patien metlaeng ni Garin a saan a mapasamak daytoy ken impettengna nga adda paylaeng ti suplay para iti Pilipinas ngem ti agbalin a parikut ket ti nangato a presyo dagiti petrolyo.
Gapu iti dayta, kinuna ti opisyal a manarimaan ti panagbirokda kadagiti pagilian a mabalinda a pagangkatan iti lana kas iti Estados Unidos.
Maipalagip nga itay kallabes ket impanamnama ti opisyal nga addaan ti Pilipinas iti “sufficient fuel reserves” iti baet ti tension idiay Middle East a gapuanan ti panagrekep ti Strait of Hormuz.
Kinunana a dagiti sumangpet nga orders ket mabalin a maaramat iti agingga 50 nga aldaw karaman dagiti domestic fuel reserves.//Rob
