Napaneknekan a ni Sheila Guo, ti kabsat ni sigud a Bamban, Tarlac Mayor Alice Guo ket maysa a Chinese citizen nga agnagan iti Zhang Mier.
Sigun kenni National Bureau of Investigation (NBI) Director Jaime Santiago a babaen iti fingerprint analysis a naipatungpal ket napaneknekan a ni Guo ken Zhang Mier ket maymaysa a tao.
Ti nagan a Zhang Mier ket isu metlaeng ti nagan a nakita iti Chinese passport daytoy a narekober kenkuana idi dagitoy ket naharang dagiti otoridad sadiay Indonesia.
Dimmalan met ni Guo iti inquest proceedings ita nga aldaw iti National Bureau of Investigation sadiay Manila City, maysa nga aldaw kalpasan a dagitoy ket naipasubli iti pagilian.
Maipalagip a da Guo ken Cassandra Li Ong ket nagsubli iti pagilian idi Huwebes kalpasan a naharang dagitoy sadiay Indonesia.
Iti agdama sumangsango dagitoy idi nagduduma a kaso kas iti obstruction of justice, panaglabsing iti Philippine Passport Act ken daduma pay.
